ការខ្វះខាតកម្លាំងពលកម្មបណ្តាលឱ្យជាប់គាំងការសាងសង់សំណង់អគារក្នុងតំបន់អាស៊ី
ការខ្វះខាតកម្លាំងពលកម្មបណ្តាលឱ្យជាប់គាំងការសាងសង់សំណង់អគារក្នុងតំបន់អាស៊ី
ដោយ ហ្សូលី
ភ្នំពេញ៖ ការសាងសង់សំណង់អគារ និងអចលនទ្រព្យដទៃជាច្រើនទៀត កំពុងទទួលរងនូវភាពជាប់គាំងដោយគ្មានកម្លាំងពលកម្មដែលអាចបន្តដំណើរកាលសាងសង់ទៅមុខទៀតបាន។ កត្តានេះដោយសារតែការវាយលុកនៃជំងឺ Covid-19។
អាចដំណើរការទៅបានលុះត្រាតែមានកម្លាំងពលកម្មគ្រប់គ្រាន់ពីកម្មករ។ ភាគច្រើនកម្មករទាំងនោះគឺជាពលករចំណាកស្រុកដែលអន្តោប្រវេសន៍ទៅកាន់បណ្តារប្រទេសផ្សេងៗក្នុងអាស៊ី ប៉ុន្តែដោយសារតែការរាតត្បាតនៃ Covid-19 ទើបបណ្តាលឱ្យសំណង់អគារទាំងឡាយត្រូវជាប់គាំងមិនអាចដំណើរការសាងសង់បាន។
នៅតាមបណ្តារប្រទេសដូចជា កម្ពុជា ថៃ សិង្ហបុរី ឥណ្ឌា និងបណ្តារប្រទេសជាច្រើននៅក្នុងតំបន់អាស៊ីកំពុងជួបប្រទះនូវការរឹតបន្តឹងការធ្វើដំណើរ។ នៅប្រទេសឥណ្ឌា ទីក្រុងទាំងមូលត្រូវបានបិទដែលជាហេតុនាំឱ្យកម្មករចំនាកស្រុកដាច់ចិត្តត្រឡប់ទៅផ្ទះវិញ។
ជំនួយការសាស្រ្តចារ្យជំនាញនៃវិទ្យាស្ថានគ្រប់គ្រងអន្តោប្រវេសន៍នៅឥណ្ឌា បានឱ្យដឹងថា ការកាត់បន្ថយនៃកម្លាំងពលកម្មនៅឥណ្ឌាមានទំហំធំអស់រយៈពេលជាច្រើនខែមកហើយ ជាពិសេសកម្មករដែលបម្រើលើវិស័យសំណង់ ភស្តុភា វិស័យដឹកជញ្ជូន និងផលិតកម្ម។ យ៉ាងណាមិញ កម្មករទាំងនោះមិនហ៊ានចេញមកក្រៅធ្វើការនោះឡើងព្រោះពួកគេមានការភ័យខ្លាចឆ្លងជំងឺ លុះត្រាតែក្រុមហ៊ុនសំណង់ហ៊ានផ្តល់ប្រាក់ចំណូលជាមធ្យមក្នុងចំនួនខ្ពស់ ទើបកម្មករសម្រេចចិត្តមកធ្វើការវិញ។
នៅប្រទេសសិង្ហបុរីទៀតសោត កំពុងប្រឈមមុខនឹងវិបត្តិ Covid-19 រលកទី២ ក្នុងរយៈពេលប៉ុន្មានសប្តាហ៍ចុងក្រោយនេះ។ ពលករចំនាកស្រុកពីបរទេសប្រមាណ ៣០០,០០០នាក់ ត្រូវបានដាក់ឱ្យនៅដាច់ដោយឡែក។ ម្យ៉ាងទោះបីជាគ្មានការធ្វើចត្តាឡីស័ក ក៏ពលករទាំងនោះនឹងទទួលបានប្រាក់ចំនូលទាបបំផុត ដោយសារតែកត្តាសេដ្ឋកិច្ចសិង្ហបុរីទទួលរងភាពដាំក្បាលចុះ។
លោក Alex Vu ប្រធានគ្រប់គ្រងអង្គការកម្មករបានថ្លែងប្រាប់សារព័ត៌មាន Reuters ថា កុំថាឡើយវិស័យសំណង់ដែលកំពុងជាប់គាំងគ្មានកម្មករធ្វើការ សូម្បីតែនៅតែចិញ្ចើមថ្នល់ក៏គ្មានកម្មករមកធ្វើការបោសសម្អាតអនាម័យដែរ។ ដោយឡែកកម្មករមួយចំនួនស្នើសុំពន្យាពេលធ្វើការ វិស័យឧស្សាហកម្មមួយចំនួនរងឥទ្ធិពលធ្ងន់ធ្ងរដូចជា វិស័យសំណង់ បដិសណ្ឋារកិច្ច ការងារក្នុងស្រុក និងសេវាឯកជនដូចជាបោសសម្អាត និងសន្តិសុខជាដើម៕ Reuters
The post ការខ្វះខាតកម្លាំងពលកម្មបណ្តាលឱ្យជាប់គាំងការសាងសង់សំណង់អគារក្នុងតំបន់អាស៊ី appeared first on Best Real Estate News in Cambodia.
Source: Real Estate – property area