ក្រុមហ៊ុនអចលនទ្រព្យCPA Groupដែលមានទស្សនទានថ្មីក្នុងវិស័យនេះ ត្រៀមបង្ហាញខ្លួននាពេលឆាប់ៗនេះ
ក្រុមហ៊ុនអចលនទ្រព្យCPA Groupដែលមានទស្សនទានថ្មីក្នុងវិស័យនេះ ត្រៀមបង្ហាញខ្លួននាពេលឆាប់ៗនេះ
ដោយគង់ សូរិយា
ភ្នំពេញៈ ក្រុមហ៊ុនអចលនទ្រព្យCPA Groupដែលមានទស្សនទានថ្មី ដើម្បីជួយដល់វិស័យសំណង់ និងអចលនទ្រព្យឲ្យមានភាពរីកចម្រើនថែមទៀត ត្រៀមបង្ហាញខ្លួននៅពេលឆាប់ៗខាងមុខនេះ។
យោងតាមសេចក្តីប្រកាសព៌តមានរបស់ក្រុមហ៊ុននេះ ដែលPropertyarea.asiaទើបទទួលបាននាព្រឹកថ្ងៃទី១៧ កុម្ភៈនេះបានឲ្យដឹងថា ដោយមានទស្សនវិស័យច្បាស់លាស់ និងបានប្រមូលផ្តុំអ្នកជំនាញជាតិ អន្តរជាតិក្នុងវិស័យនេះCPA Groupនឹងបង្ហាញខ្លួនក្នុងនាមជាក្រុមហ៊ុនក្នុងស្រុក ដើម្បីផ្តល់សេវាកម្មវាយតម្លៃ ទិញលក់ ជួល ពិសេសការដេញថ្លៃ និងផ្តល់សេវាកម្មលក់អចលនទ្រព្យឡៃឡុងក្នុងទីផ្សារ ដើម្បីជួយអ្នកលក់ ឬជួលអចលនទ្រព្យអាចរកបានអតិថិជន និងបំពេញតម្រូវការរបស់ពួកគេ។
CPA Groupមានទីតាំងនៅលើបណ្តោយផ្លូវ២៧១ (ចម្ងាយប្រមាណ២០០ម៉ែត្រពីច្រកចូលវត្តសន្សំកុសល) ស្ថិតក្នុងសង្កាត់ទំនប់ទឹក ខ័ណ្ឌមានជ័យ រាជធានីភ្នំពេញ។
CPA Group នឹងបណ្តុំដោយហាងកាហ្វេ(CPA Coffee) សេវាកម្មលក់លៃឡុងអចលនទ្រព្យ សេវាកម្មការិយាល័យ(CPA Office) និងសហការជាមួយក្រុមហ៊ុនShow Up Real Estate ដើម្បីផ្តល់សេវាកម្មលក់គំរោងអចលនទ្រព្យ ដូចជា ផ្ទះល្វែង បុរី ដីឡូត៍ ខុនដូជាដើម។
លើសពីនេះCPA Coffeeនឹងមានសេវាកម្មប្រឹក្សា ដល់អ្នកចង់ប្រឡូកជាភ្នាក់ងារ ចង់ប្រឡូកជាអ្នកវិនិយោគ ឬអភិវឌ្ឍន៍ក្នុងវិស័យនេះ នៅក្នុងហាងកាហ្វេនេះផងដែរ ដោយយើងមានរៀបចំជាបន្ទប់VIP, ស្លាយបង្ហាញពីផែនការ យុទ្ឋសាស្រ្តដល់អ្នកចង់ទទួលសេវាកម្មប្រឹក្សាយោដល់ ក្នុងតម្លៃសមរម្យផងដែរ។
សេចក្តីប្រកាសព៌តមានដដែលបានបន្តថា បច្ចុប្បន្នមានម្ចាស់អចលនទ្រព្យជាច្រើន បានដាក់លក់ផ្ទះ ដី ឬអាគាររបស់ខ្លួនមិនដាច់ និងចំណាយពេលយូរ ប៉ុន្តែCPA Group ដែលមានអ្នកជំនាញលំដាប់ជាតិ និងអន្តរជាតិជាច្រើននៅក្នុងវិស័យនេះ នឹងផ្តល់ដំណោះស្រាយជូនអតិថិជន តាមរយៈការផ្តល់សេវាកម្មវាយតម្លៃ ការដេញថ្លៃ និងការលក់់ឡៃឡុង តាមរយៈបណ្តាញអ្នកវិនិយោគជាតិ អន្តរជាតិ ដែលយើងមាននៅក្នុងដៃ និងបណ្តាញការងារដ៏ស្អិតរមួតរបស់យើង។
ហេតុនេះម្ចាស់អចលនទ្រព្យនានា ដែលមានអចលនទ្រព្យលក់មិនចេញ ឬពិបាករកអ្នកទិញឬអ្នកជួល អាចប្រើប្រាស់សេវាកម្មរបស់CPA Groupដែលមានសេវាកម្មផ្តោតលើភាពស្មោះត្រង់ រួសរាយរាក់ទាក់ អាចទុកចិត្តបាន និងឈរលើមូលដ្ឋាននៃភាពឈ្នះ ឈ្នះទាំងអស់គ្នា៕
The post ក្រុមហ៊ុនអចលនទ្រព្យCPA Groupដែលមានទស្សនទានថ្មីក្នុងវិស័យនេះ ត្រៀមបង្ហាញខ្លួននាពេលឆាប់ៗនេះ appeared first on Best Real Estate News in Cambodia.
Source: Real Estate – property area