ផ្សារទំនើប ជីប ម៉ុង ២៧១ មេហ្គាម៉ល បើកដំណើរការទទួលអតិថិជនហើយ
ផ្សារទំនើប ជីប ម៉ុង ២៧១ មេហ្គា ម៉ល កំពុងបង្ហាញខ្លួននៅកំណាត់ផ្លូវ២៧១ ក្នុងទំហំ150,000 ម៉ែត្រការ៉េ សាងសង់លើផ្ទៃដីចំនួន 5 ហិកតា ដែលត្រៀមខ្លួនរួចជាស្រេចបើកដំណើរការ ដើម្បីត្រៀមទទួលអតិថជន នៅថ្ងៃទី១២ ខែកញ្ញា ឆ្នាំ២០២២នេះ។
ផ្សារទំនើប ជីប ម៉ុង ២៧១ មេហ្គា ម៉ល គឺជាផ្សារទំនើបខ្នាតធំ ស្ថិតនៅតំបន់អភិវឌ្ឍន៍ជីបម៉ុងលែននៃ landmark 271 របស់ជីបម៉ុងគ្រុប។ សាងសង់ឡើងស្របតាមស្តង់ដារអន្តរជាតិ ដើម្បីផ្តល់នូវគុណភាពសំណង់រឹងមាំ សុវត្ថិភាពខ្ពស់ និងភាពងាយស្រួលដល់ដៃគូអាជីវកម្ម ។
ការសាងសង់ផ្សារទំនើប ជីប ម៉ុង ២៧១ មេហ្គាម៉ល បានបើកការដ្ឋានសាងសង់កាលពីខែសីហា ឆ្នាំ ២០១៨ ទោះបីជាស្ថិតក្នុងស្ថានភាពលំបាកនៃ COVID-19 ក៏ដោយ ក្រុមហ៊ុនបានប្រឹងប្រែង ដើម្បីបញ្ចប់ការសាងសង់ផ្សារទំនើប មួយនេះដូចដែលបានគ្រោងទុក ហើយនឹងរួចរាល់សម្រាប់បម្រើអតិថិជននៅឆ្នាំ ២០២២។
ផ្សារទំនើប ជីប ម៉ុង ២៧១ មេហ្គាម៉ល នឹងទាក់ទាញអតិថិជនកាន់តែច្រើន ដោយសារកំណើនប្រជាជននៅជុំវិញតំបន់ ស្ថិតនៅក្នុងតំបន់ដែលមានដង់ស៊ីតេខ្ពស់ ហ៊ុំព័ទ្ធដោយគម្រោងធំៗនិងការអភិវឌ្ឍន៍ចម្រុះដែល កំពុងដំណើរការដោយ ជីប ម៉ុង លែន ចន្លោះមហាវិថី ហ៊ុន សែន ផ្លូវ២៧១ និងផ្លូវ៣៧១ គួបផ្សំនឹងយុទ្ធសាស្ត្រទីផ្សារ។
ផ្សាទំនើបនេះមានកំពស់៥ជាន់ មានចំណតរថយន្តសម្រាប់រថយន្តចំនួន 2,000 គ្រឿង និងម៉ូតូចំនួន 500 គ្រឿង។ គម្រោងនេះចំណាយប្រាក់ ១៣០ លានដុល្លារក្នុងការសាងសង់លើដីដែលមានតម្លៃ ៣០ លានដុល្លារ។
ជាងនេះទៅទៀត រចនាបថផ្នែកខាងមុខរបស់ផ្សារគឺបញ្ចូលក្បូរក្បាច់រចនាល្អប្លែក ដែលមានទំហំប្រមាណជា១៥ ២៨៨ ម៉ែត្រការ៉េ ដែលជាការរចនាធំបំផុតមិនធ្លាប់មាននៅក្នុងប្រទេសកម្ពុជានាពេលបច្ចុប្បនះ។ មិនត្រឹមតែប៉ុណ្ណោះ ក្រុមហ៊ុនក៏បានជ្រើសរើសក្រុមវិស្វករ និងស្ថាបត្យករល្អៗទាំងក្នុងស្រុក និងអន្តរជាតិ ដើម្បីធានាគុណភាពដ៏រឹងមាំ និងការអនុវត្តន៍ល្អបំផុតស្របទៅតាមស្តង់ដារខ្ពស់។
សូមបញ្ជាក់ថា ហាងល្បីៗដែលបើកនៅក្នុងផ្សារទំនើប ជីប ម៉ុង ២៧១ មេហ្គាម៉ល រួមមាន៖ H&M Clothing Store, LYN, Calvin Klein, TEN11, Routine Shoe Store 361 ° Starbucks, Brown Coffee and Bakery Bong Crab Restaurant, Pka K’nhey, Steaklub, Misigga BBQ Masao Bakery Potato Corner Leekaja Hair Salon Shop Miniso, Kohnan Japan, Akemi Uchi Pharmacy, Plus Pharmacy, Chip Mong Supermarket និងមានហាងល្បីៗជាច្រើនផ្សេងទៀត។
សូមរំលឹកថា នេះមិនមែនជាគម្រោងផ្សារទំនើបដំបូងរបស់ក្រុមហ៊ុនជីបម៉ុងនោះទេ កន្លងមក ក្រុមហ៊ុនបានសាងសង់ផ្សារទំនើបជាច្រើនហើយក៏កំពុងដំណើរការ ដែលមានដូចជា Chip mong Noro mall, Chip mong bak touk Center, Chip mong seansok, Chip mong 598 mall, Chip mong supermartket, Chip mong express.
លោកអ្នកអាចស្វែងទិញ លក់ ជួលអចលនទ្រព្យជាង៥មុឺន តាមរយៈគេហទំព័រ ឬកម្មវិធីក្នុងទូរស័ព្ទរបស់ Harbor Property ដោយសេរីនិងឥតគិតថ្លៃ៕