News | advice | area guide

Property news, market trends and advice for property buyers and renters and plus Cambodia Area guide

ស្វែងយល់ពីវិធីសាស្រ្តវិនិយោគចអចលនទ្រព្យចំនួន៤យ៉ាងរបស់មហាសេដ្ឋី លំដាប់ពិភពលោក


ស្វែងយល់ពីវិធីសាស្រ្តវិនិយោគចអចលនទ្រព្យចំនួន៤យ៉ាងរបស់មហាសេដ្ឋី លំដាប់ពិភពលោក

ដោយៈ រ៉ាណេត

ភ្នំពេញៈ ទីផ្សារអចលនទ្រព្យត្រូវបានមនុស្សទូទៅទទួលស្គាល់ថា ជាមុខជំនួញមួយ ដែលអាចមានលទ្ធភាពខ្ពស់ ក្នុងទទួលបានចំណេញត្រឡប់មកវិញ ក្នុងរយៈពេលដ៏ខ្លី ប៉ុន្តែនៅក្នុងការចូលខ្លួនប្រឡូកនៅក្នុងវិស័យមួយនេះ ក៏មានមនុស្សមួយចំនួនជួបហានិភ័យរហូតក្ស័យទុនក៏មាន ដែលប្រការនេះក៏ព្រោះអ្នកទាំងនោះ មិនបានស្គាល់ពីរបត់នៃការធ្វើជំនួញនៅលើទីផ្សារអចលនទ្រព្យ។

អ្នកជំនាញផ្នែកវិភាគសេដ្ឋកិច្ច និងវិនយោគនៅក្នុងវិស័យអចលនទ្រព្យមួយរូបផងដែរនោះ លោក ង៉ែត ជូ បានលើកយកប្រធានបទ ដ៏មានសារសំខាន់មួយពាក់ព័ន្ធទៅនឹងវិធីសាស្ត្រក្នុងវិនិយោគនៅក្នុងវិស័យអចលនទ្រព្យ ដែលអាចជៀសផុតពីហានិភ័យ ហើ​យអាចទទួលបានភាពជោគជ័យខ្ពស់នៅក្នុងទីផ្សារ ដោយការលើកយកវិធីសាស្ត្រចំនួន៤របស់កំពូលអ្នកជំនួញ អចលនទ្រព្យលំដាប់ពិភពលោកមកបង្ហាញផងដែរ។

វិធីសាស្ត្រទាំង៤ដែលលោក ង៉ែត ជូ លើកយកមកបង្ហាញមានដូចខាងក្រោមនេះ១) ជ្រើសរើសការវិនិយោគលើក្រុមហ៊ុន ដែលមានភាពទាក់ទាញៈ ជាទូទៅលោក Warren Buffett វិនិយោគតែលើក្រុមហ៊ុន ដែលមានតម្លៃស្នូល (Intrinsic value) អាចបង្កើតកំរិតផលចំណេញបានជាទីគាប់ចិត្ត។

លោកមិនផ្តោតការវិនិយោគភាគហ៊ុនរបស់ក្រុមហ៊ុន ហើយដេកចាំលក់ចេញនៅពេលតម្លៃហ៊ុនឡើងថ្លៃនោះទេ។ ដូចគ្នានេះដែរ អ្នកគួរវិនិយោគលើប្រភេទអចលនទ្រព្យដែលមានតម្លៃផ្នែកសេដ្ឋកិច្ច ពោលគឺអាចរកចំណូលបានដូចជាការជួលដី ឃ្លាំង។ល។ ធ្វើដូច្នេះ អ្នកមិនមែនទិញអចនទ្រព្យទុកកប់លុយចោល ហើយរង់ចាំពេលលក់យកចំណេ​ញនោះទេ។

២) ចាត់ទុកការវិនិយោគលើផ្សារហ៊ុនជាមុខរបរ ៖ លោក Warren Buffett  បានចាត់ទុកការវិនិយោគជាមុខរបរ មិនមែនគ្រាន់តែទិញលក់យកចំណេញតែមួយគ្រាៗនោះទេ។ ធ្វើដូច្នេះទើបលោកអាចគ្រប់គ្រងចាត់ចែងផលបត្រ័ (Portfolio) វិនិយោគបានល្អព្រោះលោកនៅជាប់ជាមួយនឹងទីផ្សារ ហើយក្តាប់ព័ត៌មានបានច្បាស់ល្អ។

ការណ៍នេះ ផ្ទុយទាំងស្រុងពីអ្នកវិនិយោគលើផ្សារហ៊ុនទូទៅ ដោយគ្រាន់តែទិញ-លក់យកចំណេញក្នុងរយៈពេលខ្លី ហើយក្តាប់ព័ត៌មានមិនបានល្អ ដែលជាបច្ច័យនាំអោយមានការសំរេចចិត្តខុស។ ដូចគ្នានេះដែរ អ្នកវិនិយោគលើវិស័យអចលនទ្រព្យ គួរចាត់ទុកថា ការវិនិយោគរបស់ខ្លួនជាមុខរបរ ហើយកសាងសមត្ថភាពអោយខ្លាំង ជាជាងការវិនិយោគតាមបែបទឹកជោរទឹកនាចដូចមនុស្សទូទៅ។

៣ វិនិយោគលើអ្វីដែលអ្នកស្គាល់ច្បាស់ ៖ លោកមិនវិនិយោគលើវិស័យណាដែលលោកមិនយល់ច្បាស់នោះទេ ព្រោះជៀសវាងកំហុសឆ្គងនៅក្នុងការសំរេចចិត្ត។ ដូចគ្នានេះដែរ ប្រសិនបើអ្នកចង់ឲ្យការវិនិយោគលើអចលនទ្រព្យ ទទួលបានភាពជោគជ័យខ្ពស់ អ្នកគួរផ្តោតតែទៅលើប្រភេទអចលនទ្រព្យ ដែលអ្នកយល់ដឹងច្បាស់។

ឧទាហរណ៍ ដូចជាការផ្តោតលើការវិនិយោគលើដីជាយក្រុង នៅតំបន់ភ្នំប្រសិទ្ធិ ឬតំបន់អរិយ្យក្សត្រ។ល។ អ្នកនឹងមិនអាចជោគជ័យខ្លាំងនោះទេ ប្រសិនបើអ្នកធ្វើខុនដូលក់ផង និងវិនិយោគលើដីធ្លីនៅជាយក្រុងផងនោះ។

៤) មានវិន័យ និងវិនិយោគសំរាប់រយៈពេលវែងៈ លោកមិនស្លន់ស្លោរ រួចលក់ហ៊ុនចេញនៅពេលដែលស្ថានភាពសេដ្ឋកិច្ច មិនសូវអំណោយផលនោះទេ។ ជាទូទៅលោកវិនិយោគរយៈពេលវែង បើស្ថានភាពសេដ្ឋកិច្ចមិនសូវល្អហើយតម្លៃហ៊ុនធ្លាក់ចុះ លោកផ្តោតលើការទិញហ៊ុនបន្ថែមក្នុងតម្លៃទាប។

ការប្រព្រឹត្តរបស់លោកផ្ទុយពីឥរិយាបទ នៃអ្នកវិនិយោគទូទៅ។ ដោយឡែកការវិនិ​យោគលើអចលទ្រព្យ ក៏គួរយកគំរូតាមលោក Warren Buffett ត្រង់ចំណុចវិន័យ និងចក្ខុវិស័យរយៈពេលវែងនេះដែរ។

អញ្ចឹងហើយយុទ្ធសាស្រ្តធនាគារដីធ្លី Land Banking ជាយុទ្ធសាស្រ្តសមស្របបំផុត ជាពិសេសសំរាប់អនុវត្តនៅប្រទេស ដែលសេដ្ឋកិច្ចមានការរីកលូតលាស់លឿនដូចប្រទេសកម្ពុជា៕

The post ស្វែងយល់ពីវិធីសាស្រ្តវិនិយោគចអចលនទ្រព្យចំនួន៤យ៉ាងរបស់មហាសេដ្ឋី លំដាប់ពិភពលោក appeared first on Best Real Estate News in Cambodia.

Source: Real Estate – property area