អ្នកជំនាញ ព្រែកព្នៅនឹងប្រែមុខមាត់ជាតំបន់លំនៅដ្ឋានកម្រិតខ្ពស់ និងទាន់សម័យ
អ្នកជំនាញ ព្រែកព្នៅនឹងប្រែមុខមាត់ជាតំបន់លំនៅដ្ឋានកម្រិតខ្ពស់ និងទាន់សម័យ
ដោយ ៖ រ៉ាណេត
ភ្នំពេញ ៖ ស្ថិតនៅប៉ែកខាងជើងនៃរាជធានីភ្នំពេញ បច្ចុប្បន្ននេះ ខណ្ឌព្រែកព្នៅ បានក្លាយតំបន់ដែលកំពុងមានសក្ដានុពល និងជាគោលដៅវិនិយោគពីសំណាក់ក្រុមហ៊ុនអភិវឌ្ឍន៍បុរីលំនៅដ្ឋានធំជាច្រើន ដែលនឹងប្រែមុខមាត់ខណ្ឌមួយនេះឱ្យកាន់តែមានភាពទាក់ទាញខណ្ឌសែនសុខនោះឡើយ។
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម បានមានប្រសាសន៍ប្រាប់តាមទូរស័ព្ទនាព្រឹកថ្ងៃទី២៣ ខែឧសភា ឆ្នាំ២០២០នេះថា បច្ចុប្បន្ននេះ ខណ្ឌព្រែកព្នៅកំពុងតែមានភាពទាក់ទាញលើការវិនិយោគវិស័យដ្ឋានជាច្រើនតំបន់ ជាពិសេសនៅគៀកនឹងគម្រោងអភិវឌ្ឍន៍របស់ក្រុមហ៊ុន លីយ៉ុងផាត់។
លោក ច្រឹក សុខនីម បានមានប្រសាសន៍ទៀតថា “បន្តិចទៀតខណ្ឌព្រែកព្នៅលែងជាតំបន់ជាយក្រុងទៀតហើយ ដោយសារតែមានការអភិវឌ្ឍលើផ្នែកហេដ្ឋារចនាសម្ព័ន្ធជាច្រើនក្រោមគម្រោងរបស់រាជរដ្ឋាភិបាល ដែលមានប្លង់មេអនុវត្តដោយរដ្ឋបាលរាជធានីភ្នំពេញ រួមជាមួយនឹងគម្រោងវិនិយោគ អភិវឌ្ឍន៍ពីវិស័យឯកជនជាច្រើន ជាពិសេសការអភិវឌ្ឍទៅលើវិស័យលំនៅដ្ឋានបែបប្រណីត និងទំនើប ដែលមានតម្លៃថ្លៃ”។
លោកបានបន្តទៀតថា “តាមខ្ញុំដឹង ពេលនេះមានក្រុមហ៊ុនអភិវឌ្ឍន៍បុរីលំនៅដ្ឋានបែបប្រណីតជាច្រើន ដូចជាក្រុមហ៊ុន ជីពម៉ុង ប៉េងហួត អ័រគីដេរវីឡា លីហួរ រួមជាមួយនឹងក្រុមហ៊ុនអភិវឌ្ឍន៍ផ្នែកអាគារពាណិជ្ជកម្មផងដែរ សុទ្ធតែមានគម្រោងអភិវឌ្ឍន៍លំនៅដ្ឋានកម្រិតខ្ពស់នៅតំបន់នេះ ដែលនឹងធ្វើឱ្យតំបន់ដែលស្ថិតនៅចន្លោះផ្លូវជាតិលេខ៥ និងផ្លូវជាតិលេខ៦ កាន់តែមានសក្ដានុពល និងប្រែមុខមាត់ទៅជាក្រុងថ្មីមួយទៀត ដែលប្រមូលផ្តុំទៅដោយលំនៅដ្ឋានបែបទំនើប”។ លោកបញ្ជាក់ទៀតថា “បច្ចុប្បន្នយើងឃើញមានដីទំនេរច្រើន ប៉ុន្តែដីទាំងនេះភាគច្រើនត្រូវបានក្រុមហ៊ុនអភិវឌ្ឍន៍ធំទិញទុកវិនិយោគក្នុងរយៈពេលយូរ ហើយតម្លៃដីក៏ថ្លៃគួរដែរ”។
នាយិកាក្រុមហ៊ុនភ្នាក់ងារអចលនទ្រព្យ AMATAK Property Service លោកស្រី តាំង ហួរ បានមានប្រសាសន៍ថា “ខណ្ឌព្រែកព្នៅកំពុងតែទទួលបានឥទ្ធិពលពីតំបន់អភិវឌ្ឍន៍ចំនួន២ ដែលស្ថិតនៅសងខាងខ្លួន ដោយមួយចំណែកទទួលឥទ្ឋិពលមកពីខណ្ឌសែនសុខ ហើយមួយចំណែកទៀតទទួលបានមកពីការអភិវឌ្ឍរបស់គម្រោងដ៏ធំរបស់ក្រុមហ៊ុន លី យ៉ុងផាត់ ដែលធ្វើឱ្យអ្នកជំនួញផ្នែកអចលនទ្រព្យភាគច្រើនចាប់អារម្មណ៍ទៅធ្វើសកម្មភាពក្នុងខណ្ឌនេះ”។
លោកស្រីបានបន្តថា “ក្រៅពីគម្រោងអភិវឌ្ឍន៍របស់ក្រុមហ៊ុន លីយ៉ុងផាត់ នៅមានពហុកីឡដ្ឋានមរតកតេជោ មហាវិថីធំៗតភ្ជាប់ទៅវិមានឈ្នះឈ្នះ ក៏ដូចជាផ្លូវខ្វាត់ខ្វែងជាច្រើនទៀតតភ្ជាប់ទៅខណ្ឌសែនសុខដែលជាកំពុងមានការអភិវឌ្ឍខ្លាំង។ ទាំងអស់នេះ គឺជាកត្តារុញច្រានឱ្យខណ្ឌព្រែកព្នៅក្លាយជាគោលដៅវិនិយោគ និងអភិវឌ្ឍន៍ពីសំណាក់ក្រុមហ៊ុនធំៗ”។
ជាមួយនឹងភាពទាក់ទាញទៅលើការវិនិយោគជាច្រើនខាងលើនេះ បច្ចុប្បន្នគេឃើញមានគម្រោងអភិវឌ្ឍន៍លំនៅដ្ឋានបែបប្រណីតជាច្រើនកំពុងបង្ហាញវត្តមាន រួមជាមួយនឹងសកម្មភាពសាងសង់យ៉ាងមមាញឹក។ ជាក់ស្ដែងដូចជា គម្រោងអភិវឌ្ឍន៍លំនៅដ្ឋានទាន់សម័យ បុរី ខេស៊ី ដែលកំពុងមានការចាប់អារម្មណ៍យ៉ាងខ្លាំងពីសំណាក់មហាជនទូទៅ។
មន្ត្រីទំនាក់ទំនងផ្នែកលក់លំនៅដ្ឋានបុរី ខេស៊ី កញ្ញា ឡេង ម៉ាឡា បានប្រាប់ឱ្យដឹងថា ជាមួយនឹងភាពល្អប្រសើរនៃសក្ដានុពលនៃតំបន់ ដែលស្ថិតនៅកណ្តាលទីប្រជុំជននៃខណ្ឌព្រែកព្នៅ បុរី ខេស៊ី បានផ្តល់នូវអត្ថប្រយោជន៍ជាច្រើនសម្រាប់អតិថិជនរបស់ខ្លួន។ កញ្ញាបានបន្តទៀតថា “អ្វីដែលសំខាន់ និងជាចំណុចលេចធ្លោរជាងគេ គឺការផ្ដល់ជូននូវលក្ខខណ្ឌយ៉ាងងាយស្រួលក្នុងការក្លាយជាម្ចាស់កម្មសិទ្ធិលំនៅដ្ឋានក្នុងបុរី ខេស៊ី ស្របច្បាប់ដោយលោកអ្នកគ្រាន់តែបង់ប្រាក់លើកដំបូងត្រឹមតែ ១០០០ដុល្លារតែប៉ុណ្ណោះ ហើយបង់បណ្តាក់ក្នុងរូបភាពជារំលោះ បន្តបន្ទាប់ស្របទៅតាមគោលការណ៍ងាយៗ ដែលបានកំណត់ដោយក្រុមហ៊ុនអភិវឌ្ឍន៍”។
បន្ថែមពីនេះ លក្ខណៈពិសេសជាច្រើនទៀតរបស់បុរី ខេស៊ី ធ្វើឱ្យមានភាពទាក់ទាញខ្លាំង គឺស្ថិតនៅក្នុងតំបន់មានសក្ដានុពល អំណោយផលដល់ការរស់នៅប្រកបដោយផាសុកភាព ងាយស្រួលក្នុងការប្រកបអាជីវកម្ម ហ៊ុព័ទ្ធទៅដោយផ្សារសហគមន៍ សាលារៀនឯកជន និងសាលារដ្ឋ មន្ទីរពេទ្យ តំបន់កម្សាន្ត ក្រសួង ស្ថាប័នរដ្ឋធំៗ គម្រោងអភិវឌ្ឍន៍ផ្សារទំនើប រួមជាមួយនឹងបណ្តាញហេដ្ឋារចនាសម្ព័ន្ធខ្វាត់ខ្វែងងាយស្រួលចរាចរណ៍ ចេញ -ចូលក្រុង ដើម្បីបំពេញកិច្ចការងារ ក៏ដូចជាប្រកបមុខរបរនានាប្រចាំថ្ងៃផងដែរ។
សម្រាប់ព័ត៌មានបន្ថែម លោកអ្នកអាចទំនាក់ទំនងបានតាមរយៈទូរស័ព្ទលេខ ៖ ០៩៣ ៦៦១ ១៥០ / ០១៦ ៧៣ ១៦ ៦១ / ០៨៩ ៧៨ ៧៧ ២១
The post អ្នកជំនាញ ព្រែកព្នៅនឹងប្រែមុខមាត់ជាតំបន់លំនៅដ្ឋានកម្រិតខ្ពស់ និងទាន់សម័យ appeared first on Best Real Estate News in Cambodia.
Source: Real Estate – property area